Eitt rimmarbrak hjá SSP

- spennandi tiltøk fyri felagsskapi og sálarligum trivnaði.

Leygarkvøldið 18. februar skipaðu fleiri støð fyri ung í Tórshavnar kommunu – KLUBB 188, Margarinfabrikkin, Látrið, Úthangið, Flatnakrókur og Ungdómshúsið á Norðasta Horni – fyri konsert og DJ í Perluni og á Reinsarínum. Tey ungu vóru í góðum hýri, og tað vóru bara 7. flokkarnir, sum sluppu við til tiltakið.

Fríggjamorgunin 24. februar skipaðu somu ungdómshús fyri einum annarleiðis felags rørsludegi á Ovara Vølli í Gundadali. Kl. 9.00 hittust áleið 300 ungu í Dansifrøi, har Jákup Dahl hevði eitt »stand-up« show, har hann við sera fangandi framførslu fekk samband við øll hesi ungu og við greiðum boðskapi lýsti, hvussu tað er at vera ungur í dagsins samfelag. Síðani var ein rúgva av ymiskum øðrvísi virksemi, har øll komu hvørjum øðrum við og kappaðust, flentu og hugnaðu sær saman.

Tiltøkini hava verið skipað eftir ætlanini hjá SSP, ið er ein samstarvsskipan tvørtur um yrkisbólkar, ið fáast við børn og ung. Hetta samstarv skal savna, samskipa og fremja felags fyriskipanir, sum skulu fyribyrgja brotsverkum og skaðandi atburði millum børn og ung.

At enda var ein spurnakapping á skránni, har evnini í breiðum týdningi vóru um samfelags- og landafrøðilig viðurskifti.

Myndir frá tiltøkunum eru at síggja her.

Onnur tíðindi

BARNAVERNDARSTOVAN 28-10-2019
BARNAVERNDARSTOVAN 23-10-2019
BARNAVERNDARSTOVAN 16-09-2019
BARNAVERNDARSTOVAN 02-07-2019
BARNAVERNDARSTOVAN 28-05-2019
BARNAVERNDARSTOVAN 14-03-2019
BARNAVERNDARSTOVAN 12-02-2019
BARNAVERNDARSTOVAN 06-02-2019
BARNAVERNDARSTOVAN 15-01-2019
BARNAVERNDARSTOVAN 15-01-2019
BARNAVERNDARSTOVAN 10-01-2019
BARNAVERNDARSTOVAN 04-01-2019
BARNAVERNDARSTOVAN 06-12-2018
BARNAVERNDARSTOVAN 22-11-2018
BARNAVERNDARSTOVAN 20-11-2018
BARNAVERNDARSTOVAN 05-11-2018
BARNAVERNDARSTOVAN 23-10-2018
BARNAVERNDARSTOVAN 08-10-2018