Vanliga verða børn av fyrstan tíð sett til fosturs í eitt ella tvey ár. Varandi umsorganaryvirtøka kemur vanliga ikki upp á tal, fyrr enn barnið hevur verið til fosturs í fimm ár. Um tað tá verður mett, at barnið ikki kann fara heim aftur, kann stig takast til at seta barnið varandi til fosturs. Hetta hendir bert í sera álvarsligum málum, tá ið foreldrini varandi ikki eru før fyri at taka sær av barninum.