Nýtt undirvísingartilfar um atburð á netinum


Vit ferðast á netinum sum ongantíð fyrr, bæði vaksin og børn – og hetta setur eisini krøv um ein skilagóðan atburð, ið millum annað tryggjar privatlívið. Tað er tí umráðandi, at børn og ung fáa eina grundleggjandi vitan um góðan atburð á netinum, har tey vísa fyrilit fyri øðrum, men eisini at ansa sær sjálvum og verja síni privatu viðurskifti.

Tað er somuleiðis umráðandi, at foreldrini taka hesa avbjóðing upp, og eiga ein virknan leiklut í hesum parti av uppalingini av børnum teirra.

SSP hevur seinnu árini arbeitt miðvíst við, at skapa størri tryggleika fyri børn og ung á netinum. Nú er eisini undirvísingartilfar tøkt í ymiskum lærugreinum, har næmingurin fer í dýpdina saman við sínum floksfeløgum, og sum tryggjar, at evnið verður tikið á álvara og fær neyðuga viðgerð.

Fyri hvørt evni finst tilfar at lesa heima við hús saman við foreldrunum, ið snýr seg um teir spurningar, sum dagsins kunningartøkni ber við sær.

SSP væntar, at undirvísingartilfarið fer at verða eitt gott íkast til, at okkara børn og ungu læra at ansa sær, tá tey ferðast á netinum. Her eiga bæði heimini og skúlin sína ábyrgd av, at bundið verður um heilan fingur.

Tilfarið er at finna her.

Onnur tíðindi

BARNAVERNDARSTOVAN 28-10-2019
BARNAVERNDARSTOVAN 23-10-2019
BARNAVERNDARSTOVAN 16-09-2019
BARNAVERNDARSTOVAN 02-07-2019
BARNAVERNDARSTOVAN 28-05-2019
BARNAVERNDARSTOVAN 14-03-2019
BARNAVERNDARSTOVAN 12-02-2019
BARNAVERNDARSTOVAN 06-02-2019
BARNAVERNDARSTOVAN 15-01-2019
BARNAVERNDARSTOVAN 15-01-2019
BARNAVERNDARSTOVAN 10-01-2019
BARNAVERNDARSTOVAN 04-01-2019
BARNAVERNDARSTOVAN 06-12-2018
BARNAVERNDARSTOVAN 22-11-2018
BARNAVERNDARSTOVAN 20-11-2018
BARNAVERNDARSTOVAN 05-11-2018
BARNAVERNDARSTOVAN 23-10-2018
BARNAVERNDARSTOVAN 08-10-2018