Nýggj Mál og Mið

Fyri fjórðu ferð er faldarin Mál og Mið, sum lýsir virksemið hjá SSP, komin út. Talan er hesa ferð um komandi skúlaár, 2015/16.

Innihaldið er vorðið enn meira fjøltáttað í mun til undanfarnu árini. Ymsir stovnar og feløg, ið venda sær til børn og ung, hava eisini fingið innivist í faldaranum.

Millum annað verður komið inn á átakið Talgildur trivnaður í skúlunum og tað tilfar, sum verður framleitt til endamálið. Júst hetta øki hevur stóran týdning í virkseminum hjá SSP, so børn og ung læra at fóta sær í einum skjótt broytiligum heimi, har kunningartøknin og avbjóðingarnar á netinum lættliga kunnu seta tey í torførar støður.

Faldarin er at finna her.