Samstarvsavtala
Áðrenn barn kemur til fosturs, skulu fosturforeldur gera skrivliga avtalu við Fosturforeldraskipanina um ymisk formlig viðurskifti. Avtalan skal gerast í samráð við barnaverndartænastuna, sum setir barnið til fosturs. Avtalan ásetur m.a.:
- Hvør hevur umsorganina fyri barninum
- Hvussu leingi ætlanin er, at barnið skal vera í fosturheiminum
- Samsýning til fosturforeldrini, gjøld og aðrar útreiðslur í sambandi við fosturuppihaldið hjá barninum
- Samverurætt hjá foreldrum og øðrum við barnið
- Stuðul, vegleiðing og undirvísing til fosturforeldrini
Broytast viðurskifti í fosturheiminum, skal Fosturforeldraskipanin hava boð. Fosturforeldraskipanin kann altíð endurskoða avtaluna, um tað verður mett neyðugt.
