Tænastur og fyriskipanir

Innihaldið í fyriskipanini verður avtalað millum avvarandi barnaverndartænastu, familjuna og Familjutænastuna.

Familjutænastan bjóðar ymiskar fyriskipanir. Innihaldið í fyriskipanini verður avtalað millum avvarðandi barnavendartænastu, familjuna og Familjutænastuna. Fyriskipanin kann spenna yvir alt frá nøkrum vikum upp til seks mánaðir, alt eftir endamáli – og við møguleika fyri at leingja ella tillaga tíðina, um tørvur er á tí.

Familjutænastan bjóðar eina røð av tilboðum:

Innleiðandi kanning ella meting, har tørvurin hjá familjuni verður nærri kannaður og lýstur
Hølini hjá Familjutænastuni kunnu virka sum viðgerðarstaður ella bústaður, har familjan kann búgva í íbuð hjá Familjutænastuna í eitt tíðarskeið, ella hon kann koma til dagviðgerð í okkara hølum
Vit vitja í heiminum eina ella fleiri ferðir um vikuna

Dømi um fyriskipanir. Fyriskipanin kann eitt nú leggja dent á:

Lat alt upp

Sínámillum relatiónir og dynamikkir internt í familjuni

har viðtalurnar miða ímóti at menna og styrkja samspæl, samskifti og tilknýti í familjurelatiónunum

At samskipa, mobilisera og styrkja netverkið hjá familjuni

og ymiskum aktørum í lívinum hjá familjuni, har viðtalurnar miða ímóti at styrkja netverkið. Hereftir er málið, at tað við tillagaða og samskipaða netverksstuðlinum er avlopsorka í familjuni til at trívast og mennast framyvir.

Ítøkiliga námsfrøðiliga ráðgeving

til dømis viðvíkjandi strukturi í gerandisdegnum, máltíðir, morgun- og kvøldarrutinur, húsligar uppgávur, lívsstil ella líknandi.

Samtaluterapi hjá sálarfrøðingi

Harumframt kunnu vit bjóða samtaluterapi hjá sálarfrøðingi fyri einstaklingar ella foreldrapør.

Samstarva um innihald og tørv

Saman við familjuni og út frá metta tørvinum verður viðgerðarætlan gjørd. Hendan verður síðani regluliga eftirmett saman við familjuni. Viðgerðarætlanin hevur til endamáls at tryggja gjøgnumskygni í tilgongdini, og at vit áhaldandi fyrihalda okkum til, um fyriskipanin tænir sínum endamáli. Herundir um fyriskipanin:

upplivist sum ein hjálp samsvarandi málinum um at betra um trivnað
styrkir førleikarnar í familjuni, so hon fær ein vælvirkandi gerandisdag

Ávísing umvegis barnaverndartænastu

Ávísing til Familjutænastuna verður gjørd av barnaverndartænastuni í tí økinum, har familjan býr. Sostatt ebr ikki til hjá familjum at venda sæt beinleiðis til Familjutænastuna um fyriskipan.