Kafékvøld um “Øll hava rætt til góð barnaár”
02. desember 2019
![](/admin/public/getimage.ashx?format=webp&quality=80=&crop=7&x=0&y=0&image=/Files/Billeder/Tidindi/Beinta-Atladottir-130-x-130.jpg&width=800&height=500)
Mikukvøldið 11. desember fer Beinta Atladóttir frá Bláa Krossi Føroya at greiða frá tilboðnum “Øll hava rætt til góð barnaár”. Verkætlanin varð sett í verk á fyribyrgingardeildini hjá Bláa Krossi Føroya fyri at hjálpa børnum og ungum, sum vaksa upp í heimum, har rúsur er ella hevur verið ein trupulleiki. Fyri fosturforeldur kann hetta eisini merkja, at børnini hava biologisk foreldur, sum hava avbjóðingar við rúsdrekka ella rúsevnum.
Upprunaliga var fokus serliga á bólkar, har børn og ung kunnu møtast við øðrum, sum standa í somu støðu, sum tey. Bólkarnir eru deildir upp eftir aldri, soleiðis, at børnini og tey ungu eru so jøvn sum gjørligt. Beinta fer eisini at koma inn á nakað av tí, sum tey gera í bólkunum, hvørji tema koma upp, og hvørji ynski børnini og tey ungu hava, tá tey koma í bólk. Í dag inniber tilboðið harumframt eisini einstaklinga- og familjuviðgerð. Møguleiki verður at spyrja spurningar.